Cara posting dina beloger teu beda urang nyeurat dina program microsof word atawa notepad, ngan anu ngabedakeun teh, ari di beloger mah bisa upload atawa ngangkat file (baca;pail) gambar, photo nu disimpen dina perangkat komputer jeung bisa diplubikasikeun ka balarea kalawan henteu ngaliwatan wates anu di tangtukeun.
Ari nulis dina program word mah eta ukur dokumen keur urang, seratan ieu sabenerna mah bisa diplubikasi ngaliwatan internet, ngan teu langsung sapertos nyeurat di halaman beloger, ieu mah mangrupakeun lampiran-lampiran data anu dikirim ngaliwatan akun yahoo (ymail, kode id) atawa akun google (gmail), saheulaeun masalah pengiriman lampiran data dina program komputer, engke ge bakal dibahas.
Ayeuna mah bakal ngabahas heula kumaha cenah tata cara mosting teh, sanggeusna urang boga akun beloger, urang teh kari ngamimitian ngabeloging.
Kahiji : Buka dasbor atawa ketik ka www.blogger.com, engke dasbor urang kabuka, mun saumpamana belog urang geus jadi, tingal gambar di handap. Gambar 1, ngeusi daftar akun beloger keur muka dasbor.
Kumaha cenah bisa aya gambar kitu ? jeung timana eta gambar teh?
Tah ieu anu disebut tadi cara upload atawa ngunggah, nyaeta ngangkat file gambar dina komputer urang, hese teu ?, ari nu ceuk bisa mah babari, tapi mun teu apal angger we utag-atog tur loba kasieun, sapertos sim kuring keur mimiti diajar ngabelog, bingung eta gambar bisa pindah ka kaca belog, bari jeung bingung sieun deui, ari bingungna teu bisa nanaon, ari sieunna dokumen urang bisi dicokot ku batur, komo mun urang mah entong-entong we ngabuskeun photo ka internet, bahaya eta mah, bisa-bisa disalahgunakeun ku batur, sababna mah dina internet tea sagalana oge bebas. Matak kuring mah tepi kana danget ayeuna can nembongkeun photo pribadi nu ngahaja diupload ku sorangan, nyakitu sieun tea. Jeung deui kuring mah lain artis, moal laku photona ge, kulakuna ge matak dosa, kiteuh.
Urang teruskeun, sanggeus urang asup kana dasbor, tinggal klik entri anyar (baru) nu katingal gambar potlot dina jero koropak warna kulit jeruk, tingal gambarna:
Gambar 2 : Aya koropak warna kulit jeruk dina jerona aya gambar potlot, tah eta di klik, hartina urang nga- mimitian ngabeloging. Kira-kira gambar potlot mun geus diklik robah gambar, tingal gambar nu katilu.
Tah dina gambar nomer tilu mah aya kolom keur ngeusian judul postingan urang, sapertos katingal di luhur ngahaja dibere judul : Cara Posting.
Gambar 3 : aya rohangan atawa kolom keur ngeusi judul posting.
Tah tidinya mah tinggal gutret nyerat sabebas-bebasna, tapi oge make aturan-aturan nu dipake di Network sosial model google atawa facebookan, mana cenah kaca mostingna, tingal gambar nomer opat di handap.
Gambar 4, dina gambar nomer ieu katingal aya rohangan kaca pikeun postingan.
Tah tidinya mah tinggal gutret nyerat sabebas-bebasna, tapi oge make aturan-aturan nu dipake di Network sosial model google atawa facebookan, mana cenah kaca mostingna, tingal gambar nomer opat di handap.
Nepi kadieu mosting dianggap beres, kade ulah poho samemeh diplubikasikeun tingal nomer 2 warna hejo nyieun heula label, saruakeun we jeung judul ambeh teu pahili, tidinya karak simpen seuratan anu tos disusun dina belog. Umpama dina word mah meureun disimpen ku neken Control +S (save). Tah ari dibelog mah tinggal Klik teks dina gigireun kolom judul anu aya dina jero koropak warna kulit jeruk anu seratan publikasikeun, hartosna seratan tos tiasa di tingal ku tatamu nu kabeneran anjog ka belog urang, sakieu seratan ti sim kuring, wassalamu alaikum wr.wbr.
Label:
Cara Posting
